Caravan Logistics

Muammo

Logistika kompaniyalari yuk tashish jarayonida ko‘plab muammolarga duch kelishardi. Yuk beruvchilar, logistlar va haydovchilar o‘rtasidagi aloqa uzluksiz emas edi, bu esa yuk yetkazib berish vaqtining kechikishiga va operatsion xarajatlarning ortishiga sabab bo‘lardi.

• Buyurtmalarni qo‘lda boshqarish – yuklarni taqsimlash va monitoring qilish jarayoni eski usullarga asoslangan bo‘lib, ko‘p vaqt talab qilardi.

• Yomon marshrut optimizatsiyasi – haydovchilar uchun eng qulay va tejamkor yo‘nalishlarni tanlash imkoniyati cheklangan edi.

• Real vaqt monitoringining yo‘qligi – mijozlar yuklarining aniq joylashuvini bilish imkoniyatiga ega emas edilar.

• Muloqotdagi uzilishlar – logistlar va haydovchilar o‘rtasidagi aloqa telefon qo‘ng‘iroqlari orqali amalga oshirilganligi sababli samarasiz ishlardi.

Maqsad

Caravan Logistics ilovasini ishlab chiqish orqali quyidagi maqsadlarga erishish rejalashtirildi:

• Buyurtma boshqaruvini avtomatlashtirish.

• Marshrut optimizatsiyasini yaxshilash.

• Real vaqt rejimida yuklarni kuzatish imkoniyatini yaratish.

• Logistlar va haydovchilar o‘rtasida uzluksiz aloqani ta’minlash.

Foydalanuvchi tadqiqoti

Men logistlar bilan intervyular o‘tkazdim va haydovchilarning asosiy ehtiyojlarini o‘rgandim. Tadqiqot natijalari quyidagicha bo‘ldi:

• Haydovchilar – yuklarni qabul qilish va jo‘natishda avtomatlashtirilgan tizim zarurligini ta’kidladilar.

• Logistlar – yuklarni taqsimlash va kuzatish jarayoni ko‘p vaqt olayotganidan shikoyat qilishdi.

• Mijozlar – yuklarni real vaqt rejimida kuzatish imkoniyati yo‘qligi sababli noqulaylik sezayotganlarini bildirishdi.

Raqobatchilar tahlili

Men Uber Freight, Convoy va sennder kabi yetakchi logistika ilovalarini o‘rgandim. Ularning kuchli va zaif tomonlari tahlil qilinib, Caravan Logistics ilovasida quyidagi ustunliklarni berdim:

• Foydalanuvchilar uchun soddalashtirilgan interfeys.

• Kuchli marshrut optimizatsiyasi.

• Real vaqt monitoring imkoniyati.

• Avtomatlashtirilgan buyurtma boshqaruvi.

Foydalanuvchi yo‘li (User Journey)

Foydalanuvchilarning ilovada qanday harakatlanishini tushunish uchun User Journey xaritasi yaratildi:

1. Haydovchi tizimga kiradi → 2. Yangi buyurtmalarni ko‘radi → 3. Buyurtmani qabul qiladi → 4. Optimal marshrut shakllanadi → 5. Yuk manzilga yetkaziladi → 6. Mijoz yukni qabul qiladi.

Prototiplash

Ilovaning low-fidelity wireframe’lari ishlab chiqildi va dastlabki interaktiv prototip yaratildi. Keyinchalik, foydalanuvchilar tomonidan sinov o‘tkazilib, fikr-mulohazalar asosida interfeys yaxshilandi.

Dizayn jarayoni

• Asosiy rang: Binafsha rang (ishonchlilik, zamonaviylik va xavfsizlikni aks ettirish uchun).

• Ikki rangli kombinatsiya: Oq va kulrang (minimalistik va professional ko‘rinish uchun).

• Shrift: Plus Jakarta Sans – zamonaviy va o‘qilishi oson.

Natijalar

Men 10 nafar foydalanuvchi bilan test o‘tkazdim va quyidagi natijalarga erishdim:

• 70% foydalanuvchilar buyurtmalarni boshqarish jarayoni soddalashtirilganini qayd etishdi.

• 85% foydalanuvchilar yuklarni real vaqt rejimida kuzatish imkoniyati ularga qulay bo‘lganini ta’kidlashdi.

• 75% foydalanuvchilar interfeysni intuitiv deb baholashdi.

• Buyurtmalarni bajarish vaqti ~2X tezlashdi.

• Logistika jarayonining umumiy samaradorligi sezilarli darajada oshdi.

Rejadagi o'zgarishlar

Keyingi bosqichda ilovaga AI asosida yuk taqsimoti tavsiyalari, GPS orqali real vaqt rejimida marshrut takliflari va mijozlar uchun yetkazib berish jarayoni haqidagi tahlillarni kiritish rejalashtirilgan.